Menerangkan Martabat Alam 7 (Dalam Bahasa Sunda)

NERANGKEUN MARTABAT ALAM 7 (TUJUH)

Nganggo Ucapan Unggelna Kecap

1. Alam AHDIAT                  Lapad                  AL                    )
2. Alam WAHDAT               Lapad                  LOH                 )= = ALLOH
3. Alam WAHDIAT              Lapad                  MU                   )
4. Alam ARWAH                  Lapad                  HAM                )
5. Alam JASAM                    Lapad                  MAD                )= = MUHAMMAD
6. Alam MISAL                     Lapad                  A                      )
7. Alam INSAN KAMIL       Lapad                   DAM                 ) = = ADAM

Bukti Alam dunya oge eusina ngan tujuh poe, hakekatna nyaeta tina alam anu kasebut di luhur tegesna alam anu tujuh lalakon Alloh-Muhammad-Adam ku sabab di kanyahokeunana ku sarerea, upama urang rek nyusul kana asal, sabab lamun teu di kanyahokeun ti ayeuna jalan-jalana jeung barang-barangna atuh tangtu moal bisa balik deui ka asal, sabab teu kapanggih deui jeung jalana waktu tadi urang turun-turuna ti Akherat ka Alam dunya.
Ayeuna martabat alam tujuh teh ku jisim kuring rek di terangkeun sarta make ibarat kalawan di buktikeun gambaranana supaya gampang di hartikeunana tafsirna atawa hadistna

1. Alam Ahdiat = Martabat Maha Suci
Dalilna kieu :
Dzat Laesa Kamislihi
"Dzat anu teu aya umpamana"

Dzat kumaha atuh anu matak teu meunang di umpamakeun teh?

Naha ku bakating hiji-hijina,upama bakating ku kawasana, dina jaman eta mah teu acan aya dadamelanana ngaran kawasa teh kudu bukti heula di damelna, kapan dina Alam Ahdiat mah sabab aya basa Agung teh Caangna por anu lima, upama bakating hiji-hijina da kapan teu aya anu lima, bakating ku hiji-hijina da kapan teu aya dua, jaman eta mah sabab hiji soteh sanggeus aya nu loba, kumaha atuh pihartieunana supaya eta Dzat Laesa Kamislihi jadi uni.
Kieu upama mupakat mah nu matak Alam Ahdiat di sebut ku Dalil :
Dzat Laesa Kamislihi
"Dzat anu teu aya tegesna ku bakating suci, xuci bersih teu aya sifat-sifatna acan, sumawona jenenganana mah rek di upamakeun jeung naon upama teu aya sifat-sifatna, sabab di saksian ku dalil anu Maha Suci teh"

Bila Haefin
"Teu warna teu rupa"
Bil Makanin
"Teu arah teu tempat"

Tah kitu kateranganana, anu matak anu Maha Suci teh teu beunang di upama-upamakeun, sumawona di enggon-enggon di tuduh di ditu di dieu sabab kaburuLIM kahalangan ku Bukti.

2. Alam Wahdat = Martabat Sifatna Maha Suci
Jadi Dalil dina Alam Dzat Laesa jadi Dzat sifatna caang padang nyaeta anu kasebut Johar Awal hartina Cahaya.
Awal hartina mimiti, jadi anu mimiti aya samemeh bumi jeung langit sarawuh eusina, sumawona manusa nyaeta Johar Awal heula anu di sebut Hakekatna Muhammad tea.
Dina Hadist Muhammad teh pang awal-awalna, sabab Johar Awal teh NUR atawaSajatining Syahadat karana Gulungan Dzat jeung sifat atawa Alloh-Muhammad dina Hakekatna.

3. Alam Wahdiat = Martabat Asmana Maha Suci
Kajadian tina Johar Awal Alam Wahdiat tadi, bijil deui sowaraana jadi cahaya 4 (opat) perkara.

• Nurun                cahaya              Beureum
• Warun               cahaya              Koneng
• Maun                 cahaya              Bodas
• Turobun             cahaya              Hideung

Jadi caya 4 (opat) perkara teh di sebut Nur Muhammad tea, Muhammad na mah Johar Awal barang eta Nur Muhammad cahaya anu 4 (opat) perkara teh di sebut Hakekatna Adam nyaeta Asmana nu Maha Suci.

• Johar Awal                        hakekatna                Lapad Tasjid
• Cahaya Beureum               hakekatna               Lapad Alip
• Cahaya Koneng                 hakekatna               Lapad Lam Awal
• Cahaya Bodas                   hakekatna               Lapad Lam Akhir
• Cahaya Hideung                hakekatna               Lapad He

Sareatna jadi lapad ALLOH, jadi eta Cahaya anu ka sebut nu ngajadikeun bibit 7 (tujuh) lapis Bumi, bibit 7 (tujuh) lapis Langit sarawuh eusina kabeh.
Agama oge asalana ti dinya bae.

• Ayana Syahadat                        nyaeta ayana Johar Awal
• Ayana Sholat                            nyaeta ayana cahaya Beureum
• Ayana Zakat                              nyaeta ayana cahaya Koneng
• Ayana Puasa                             nyaeya ayana cahaya Bodas
• Ayana Munggah Haji                 nyaeta ayana cahaya Hideung

Sanajan waktu sholat aya 5 (lima)

• Waktu Subuh                             bagean Nabi Adam
• Waktu Lohor                             bagean Nabi Ibrohim
• Waktu Ashar                             bagean Nabi Nuh
• Waktu Magrib                            bagean Nabi Isa
• Waktu Isa                                  bagean Nabi Musa

Pertingkah sholat aya 5 (lima)

• Nangtung
• Takbir Ratul Ihrom
• Ruku 
• Sujud
• Lungguh

Sahabat aya 4 (opat) ka 5 (lima) na Nabi Muhammad

• Sahabat Abu Bakar
• Sahabat Umar
• Sahabat Utsman
• Sahabat Ali
• Nabi Muhammad

Di Mekah aya 4 (opat) Imam ka 5 (lima) na Baetulloh

• Imam Syafei
• Imam Hambali
• Imam Hanafi
• Imam Maliki
• Baetulloh

Tah kitu gening sidik kabeh tina Asmana Alloh Hakekatna nya Nur Muhammad cahaya opat perkara ka lima Johar Awal.

4.   Alam Arwah = Martabat Af'al Maha Suci
Nyaeta Af'alna Alloh Ta'ala ngajadikeun ieu Alam Dunya, ceuk elmu Alloh mah ngadamel teh ibarat Bioskop, Alam Wahdiat nyaeta Johar Awal teh ibarat Lisrtikna, ari Nur Muhammad teh Alam Wahdiat ibarat kaca.

• Nurun              ibarat kaca Beureum
• Hawun             ibarat kaca Koneng 
• Maun               ibarat kaca Bodas
• Turobun           ibarat kaca Hideung

Barang kaca anu 4 (opat) perkara di rarat ku Johar Awal bijil kalangkang :

• Tina kaca Beureum                         jadi Seuneu alam dunya
• Tina kaca Koneng                           jadi Angin alam dunya
• Tina kaca Bodas                             jadi Cai alam dunya
• Tina kaca Hideung                          jadi Bumi alam dunya

Ku kawasana Alloh Ta'ala bleg bae jadi ieu Alam dunya nyaeta Jagat Kabir, jadi sategesna Dunya teh kajadian tina Nur Muhammad.

5. Alam Jasam = Martabat Manusa
Sanggeus ngadegna ieu alam dunya Gusti nu Maha Suci neraskeun midamel Adam Majaji, terus miwarang Malaikat turun ka alam dunya kudu nyokot aci-acina anu 4 (opat) rupa, terus dia damel :

• Acina Seuneu                ngajadi Getih Adam
• Acina Angin                   ngajadi Sumsum Adam
• Acina Cai                       ngajadi Urat Balung Adam
• Acina Bumi                    ngajadi Kulit bulu Adam

.Ku kawasan Alloh Ta'ala bersih jadi Dalil Muhammad : MIM - HE - MIM - DALnyaeta :

• Cahaya Johar Awal         hakekatna            Huruf lapad Tasjid
• Cahaya Beureum             hakekatna            Huruf lapad Mim Awal
• Cahaya Koneng              hakekatna             Huruf lapad He
• Cahaya Bodas                 hakekatna            Huruf lapad Mim Akhir
• Cahaya Hideung              hakekatna            Huruf lapad Dal

Sareatna jadi lapad Muhammad atawa sabalikna tina lapad Alloh.
Sategesna Hakekat lapad Muhammad teh :

• Mim Awal                Tegesna Sirah
• He                           Tegesna Dada
• Mim Akhir               Tegesna Udel
• Dal                          Tegesna Suku

Tapi ateu acan bisa usik malik, ngagoler saperti wayang terus di liangan, di panonan, di ceulian, di pangambungan, di bahaman terus eta liang di asupan kuSyareatna Nur Muhammad, kajadianana bisa usik malik eta Adam atawa jagat teh jadi sidik pisan ayeuna hirupna manusa teh Sareatna ku ayana Cahaya, kitu deui pang maotan Manusa teh teu ayana Cahaya.
Samangsa-mangsa geus teu aya cahaya si jagat atawa jagat kabir (dunya) pangkuatna teh di Anglipuh ku sorotna Nur Muhammad.
Jadi moal salah deui engke oge dina Kiamat ieu jagat kabir saperti manusa (jagat sogir) di candak deui cahaya, panon poe, bulan, bentang, tangtu bae ieu alam dunya ruksak, atuh tina Bumi tinggal poekna, Seuneu tinggal panasna, Cai tinggal tiisna, Angin tinggal hawana...... Saha nu bakal nyicingan eta Naraka?
Teu aya deuin nu bakal nycingan teh nyaeta Idajil La'natulloh tea sakanca-kanca, sakur nyawana anu teu bisa balik deui ka Alloh Ta'ala, sabab tadi di dinya beunang di goda ku syetan lantaran teu Iman ka Alloh Ta'ala ka Rosululloh. Karana Idajil La'natulloh teh tadina mah Malaikat kakasih Alloh pangna di bendon ku Alloh teh lantaran samemeh aya Adam di piwaraang ngeusian Alam Dunya.
Tapi di janjian lilana di alam dunya ngan 1000 taun, ku sabab kitu malaikat Idajil ngarasa betah di alam dunya teu hayang balik deui ka Sawarga nepi ka 3000 taun, tah tidinya mimiti di bendona ku Alloh Ta'ala jaadi geus teu meunang balik deui ka Sawarga kudu tetep di alam dunya bae, ta[pi engke bakal di tetepkeun di dasar Naraka sanggeus kiamat ieu alam dunya bedegongna Idajil sanggup bae, tapi nyuhunkeun widi rek ngagoda ka anak putu Adam pikeun pibatureun manehna di Naraka tea.

Menerangkan Pasal Al Quran Dalam Bahasa SUNDA

NERANGKEUN PASAL QUR'AN

Qur'an 4 perkara di surahkeun ku hiji ajengan kieu :

1. Qur'anul Majid   : Nyaeta Qur'an anu aya hirupna sok di araji ku kaum Islam di alam dunya.
2. Qur'anul Karim  : Nyaeta Qur'an anu maca bukti nyaeta eta keneh bae Qur'an anu aya atulisanana karana eta anu di mulyakeun ku kaum Islam saalam dunya.
3. Qur'anul Hakim  : Nyaeta Qur'an anu Agung di sebut barang-barangna eta keneh bae anu di aragungkeun ku umat Islam saalam dunya.
4. Qur'anul Adhim  : Nyaeta Qur'an nu Suci jeung langgeng, di tuduh eta keneh bae buktina Qur'an nu aya tulisanana, kakara eta nu suci jeung langgeng, hukumanana ti dunya dugi ka akherat. Tah kitu Qur'an anu 4 perkara teh.

4 (opat) di surahkeun ku ahli Sara di barengan bae kajeun aya 4 barangna mah eta keneh bae, jadi ani matak tulisan teh di anggap tapekong karana sidik Qur'an eta mah beunang nulis manusa, naha di sebut Qur'an eta anu agung, kapan sidik eta mah tulisan keuna ku ruksak, jadi lamun Islam boga patekadan kitu atuh teu bedaa jeung elmu cina, sesembahanana migusti kana barang anu anyar, turug-turug anu nyieuna anu anyar, kusabab kitu dulur-dulur kaum Islam ulah kaliru.

Kieu ayeuna urang terangkeun ku jisim kuring eta masalah Qur'an anu 4 teh.

1. Qur'anul Majid   : Eta mah cocok barangna nyaeta Qur'aan anu bukti aya hirupna, anu umum sok di baraca ku kaum Islam.
2. Qur'anul Karim  : Eta Qur'an anu maca, sategesna nu ngaran Qur'an teh nyaeta panangan ramo, karana apan sidik jelma eta aksara teh tina leungeun jeung ramona, anu mimiti ngadamel eta Qur'an, cik saha anu mimiti nganyahokeun Qur'an?..... Piraku teu kaharti anu maca teh?
3. Qur'anul Hakim  : Eta Qur'an anu agung nyaeta buktina teh paninggal, sabab panangan ramo moal tiasa nulis umpama teu aya paninggal, jadi sategesna anu agung teh nyaeta paninggalna anu mimiti nganyahokeun Qur'an.
4. Qur'anul Adhim  : Eta Qur'an anu suci jeung langgeng nyaeta buktina hirup, sabab panangan ramo jeung paninggal moal bisa ngajadikeun umpama teu hirup, jadi sategesna anu suci jeung langgeng teh hirup ani mimiti ngaaanyahokeun Qur'an.

Kusabab kitu urang ngaji teh lamun uraang hayang kana Sucina, lamun hayang nepi kana Sampurna eta Qur'an anu 4 perkara teh kudu di aji kabeh, mimiti urang daek maca Qur'anul Majid teh Qur'an Majaji, hirupna eta bagean Elmu Sareat, saenggeus di baca kudu terus di aji nyaeta kudu di hartikeun pimaksudeunana, saenggeus karasa sabab eta Qur'anul Majid teh tuduh jalan pikeun nganyahokeun ka Alloh ka Rosululloh jalana teu aya deui lian Tarekat nyaeta Qur'anul karim, kudu ngaji ngagawean leungeun ramo anu sakira abakal nepi ka Alloh ka Rosululloh.
Karana Gusti Alloh ngayakeun leungeun jeung ramo di manusa teh lain kudu di pake ngajadikeun barang dunya hungkul anu keuna ku ruksak bae, tapi kudu jeung di pake ngajadikeun jalan keur nganyahokeun ka Alloh ka Rosululloh supaya leungeun ramo jadi dunya.
Karana aya Dalil kieu :
Asobiahum Fiadanihim Minashowaiki Hadarol Maot Wallohu Muhitum Bil Kafirin
"Lamun leungeun jeung ramo teu di pake jalan maot, tetep leungeun jeung ramo maneh martabat kalawan kafir tetep bakal ka naraka"

Tina Qur'anul Karim kudu naek kana Qur'anul Hakim, bagean Hakekatna nyata kudu ngaji pagawean paninggal urang anu sakira bakal yakin teges sidik kana barang langgeng.
Langgeng teh nyaeta awas kana Hakekatna Alloh jeung Muhammad, karana Gusti Alloh ngayakeun paninggal ka manusa teh lain bae kudu di pake ngawaskeun kana Hakekatna Alloh jeung Rosululloh, nyaeta anu kasebut Qur'anul Adhim tea, atawa sifatna Hirup bibit 7 (tujuh) lapis Bumi, bibit 7 (tujuh) lapis Langit sarawuh eusina.
Ngaran Ma'rifat ka Alloh jeung ka Rosululloh anu nyaho kalawan yakin kana Hakekatna Alloh jeung Rosululloh.
Dina Dalil kieu :
Ru'yatullohi Ta'ala Fidunya Biafik Qolbi
"Ninggali Hakekatna Alloh Ta'ala di dunyaa awas ati, tegesna Hakekatna Rosululloh."

Sabab sifatna jalma mah ngan ukur di pake tempat keur ninggali Rosululloh ka Alloh Ta'ala, samangsa-mangsa wujud urang geus di pake tempat ninggali ka Alloh Ta'ala ka Rosululloh tangtu Ramo urang bisa nyaritakeun jeung ngaku nyaho ka Alloh Ta'ala, lantaran geus di bejaan/ di pasihan terang ka Rosululloh ti dunya nepi ka akherat, moal sulaya ngarasa pisahna jeung Rosululloh lantaran wujud teh beurang jeung peuting jeung nu Suci, Insya Alloh tekad jeung lampah lila-lila kabawa Suci, Syetan moal daekeun ngadeukeutan jeung moal ngagoda.
Tapi kitu slteh anu Ma'rifat kalawan Tauhidna, upama Ma'rifat teu kalawan Tauhidna mah sulaya bae, sanajan geus boga Tarekatna, tegesna sieun ngarasa isin jongjon bae tekad jeung laku lampah sakama-kama, jadi nu kitu Ma'rifatna Mikung, tangtu di dunya moal meunang safaat ti Rosululloh di dunya moal leupas tina kasusahna kabendon.
Kumaha ari anu Suci teh, lir ibarat lampu di kurung ku semprong ani kotor, geus tangtu kaluarna oge moal bengras, sabalikna upama semprongna beresih tangtu bakal caang ngagebray kalawan bengras saba kitu urang kudu Suci, pasuci-suci eusina, suci cangkangna, karana dunya moal leupas tina kanikmatan di Akherat pon nya kitu deui, kusabab eta poma dulur-dulur anu geus boga jalan Ma'rifat jeung tekad laku anu goreng teh kudu di jaga bener-bener ulah dapon nyaho bae, tapi kudu di barengan ku laku jeung tekad anu hade.
Sabab lamu urang ngalakonan pagawean anu Maksiat ngalanggar hukum tangtu urang gancang di benduanana ku Alloh Ta'ala anu linglung beurat hukumanana lantaran geus nyaho, beda deui jeung anu teu nyaho, saperti di dunya oge upama urang kampung maling hayam hukumanana ngan saminggu, coba upaama lurah nu malingna tangtu dua tikel hukumanana leuwih beurat ti urang kampung sabab geus nyaho artikelna, komo nyaho ka Alloh Ta'ala mah sing inget perjanjian Guru murid-murid ibadah babarengan, doraka pipisahan.

NERANGKEUN RUKUN IMAN ANU 6 (GENEP)

NERANGKEUN RUKUN IMAN ANU 6 (GENEP)

Walwodari Khoirihi Wasarihi Minallohi Ta'ala
"Ulung ala ulung balik papasten ti Alloh Ta'ala (hade goreng ti Alloh Ta'ala)"

Lebah dieu urang percaya teh ulah kaliru kudu pikir di lenyepan karana Gusti Allah Ta'ala Sifat Maha Suci, piraku nu Maha Suci make bakal nyiksa, bakal ngaganjar engke di Akherat, jadi kitu mah Gusti Alloh teh ngadamel manuda teh pedah kersa rek ngaganjar jeung nyiska, lamun kitu mah moal alus Sucina Allaoh Ta'ala teh.
Tapi urang sawarga maraksa atawa ngeunah teu ngeunah engke di akherat karana ayeuna di dunya kembangna geus karasa ayeuna ngeunah jeung teu ngeunah teh, tapi eta sawarga, naraka teh lain ti Alloh Ta'ala sategesna : Tina ucap tekad, jeung pamolah urang keur waktu di dunya.
Sabab tadi oge Alloh ngadamel manusa teh sakali jadi henteu nungtut, tapi geus KUN FAYAKUN breg sama sekali, teu aya kakurangana tapi maparin cukup nyaeta maparin parabot nyaeta anggota badan : suku, panon, ceuli, irung, baham jeung sajabana.
Jeung nafsu anu 4 perkara : Amarah, Loamah, Sawiah jeung Mutmainah.
Dauhan Alloh kieu :
"Maneh hayang ka Naraka tegesna kanu teu ngenah gera pigawe kalakuan goreng kapan geus sadia parabot ti Aing nafsu Amarah, Loamah, Sawiah"
Kitu deui
"Maneh hayang ka Sawarga atawa anu ngeunah pek gera pigawe kana kalakuan hade kapan geus sadia parabot ti Aing nafsu Mutmainah".

Tah kitu sategesna mah pang aya Sawarga jeung Naraka di dunya, sumawona di akherat oge beunang tekad pamolah urang keur di dunya, kitu deui beubeunangana oge moal keur batur, tetep keur urang sorangan ti dunya nepi ka akherat.
Jadi ku sabab eta ayeuna urang sararea mangka ati-ati enggoning ngajalankeun parabot ti Alloh Ta'ala teh kudu beubeunangan tina pagawean urang, engke di akherat bakal di tetepkeun sabogana-sabogana, sabeunangna pagawean di alam dunya moal pahili deui :
Walatujauna Illa Makuntum Ta'malun
"Moal aya pangbalesan ka maraneh, anging sakumaha pagawean maraneh"

 Kumaha atuh akal supaya urang bisa ngalobaan Mutmainah, teu aya nyaeta lian ti urang kudu nyalindung ka Alloh jeung ka Rosululloh, tiap-tiap geus ngarasa teu pisah hade ibadahna kalawan sah tangtu salamet di dunya somawona di akherat.

MENERANGKAN UMAT RASULLULOH DALAM BAHASA SUNDA

NERANGKEUN UMAT ROSULULLOH

Ari Umat Rosululloh teh nyaeta HAK na aya 4 perkara

Sabab anu eta teh sagulung sagalang, beurang peuting jeung Rosululloh, sarta di damel sahabat (utusan) Rosululloh, tapi ayeuna sararea pada terang yen eta Sahabat anu 4 parantos parupus Majaji namah, tapi Hakekatna mah aya di manusa.
Sahabat Abu Bakar Sidik              Hakekatna Paninggal (Panon)
Sahabat Umar                               Hakekatna Pangdangu (Ceuli)
Sahabat Usman                             Hakekatna Pangucap (Baham)
Sahabat Ali                                   Hakekatna Pangangseu (Irung)
Eta panginggal, pangdangu, pangucap, jeung pangangseu teh gaib kabeh teu aya rupana Sahabat, anu matak kana Hakekat jeung Majajina kudu di kanyahokeun jeung kana Hakekatna Nabi Muhammad SAW kudu ngahiji jadi hiji, sing bisa ngarasa babarengan beurang jeung peuting kudu tetep jadi umatna, tangtu engke bakal nyampurnakeun ka Gusti Nu Maha Suci.
Upama teu nyaho ka Rosululloh sarta teu ngarasa ngahiji engke pipisahan nyawa urang pasti bakal balik deui ka Dunya, marakayangan jadi jurig, setan atawa siluman atawa Titis tumitis ka jalma atawa ka sato, samangsa-mangsa balik deui ka dunya tegeus na anu teu bisa balik deui ka Alloh ta'ala, ceuk basa ayeuna mah di Prefentif aya di Alam Barzah nunggu lantaran aya anu leuwih gede dina Yaomal Kiamat ieu Alam.

PITUDUH NGANYAHOKEUN JATI DIRI KANA JALAN KAMANUSAAN NU SAUTUHNA

KAWAJIBAN DIRI MILARI KASAMPURNAAN PIKEUN NYAMPURNAKEUN BADAN SAKUJUR

• MAMAPAG TAUN NGAJAJAP BULAN NGINGET-NGINGET DATANGNA POE TUR NAPAKURAN MENIT, NGASUH DETIK NU NEMPEL DINA BAYU ANU DI ASUH KU SANG RATU

Kaula kalawan gusti nepungan ka arandika nu aya di tatar pasundan, kaula rek mere bewara kajalma anu ngarti kana diri jeng asalna diri. tur maranehana sok ngasuh kalimah anu dua, moal manggihan kaula kajalma anu teu mapayken asal kokotjoranana. ti mimitina ieu alam di cinta kunu maha widi Dzat Waja Ajala nu maha murbeng Alam anu mayungan siang kalawan wengi. kaula ges aya diharepeun arandika. Hai para jajaka geura narindak anjeun kajalma-jalma anu make kedok, anjeun ulah ngabohongan diri sorangan ! kiwari mun anjeun ges waktuna narindak. tapi nindak na ulah kukasar keun bakal dibantu ku kaula. kaula datng teu ngahaja tapi diutus ku sang rumuhun ti pajajaran yen kudu ngabejakeun naon-naon nu bakal kalakonan di hareup ieu. bakal aya bancang pakewuh anu datang na ti dapur, anu bakal parebut paham antara adina jeung lancekna, anu ngabalukarkeun jadi mumusuhan antara adi jeung lancek, ari anu dipaseakeun ngan paesan kosok anu can puguh, marebutkeun dalung tanpa eusi, marebutkeun paesankosong,  anu diparebutkeuna Dagangan Elmu Akidah. anu dipake dalih nyaete hadist jeung Qur'an. bari teu nyaho Jatina Qur'an, naon atuh ari Jatina Qur'an?? jeung naon ari hartina Qur'an Diri, hamo kumararanehana moal kapanggih sabab mararanehana teu percaya ka karuhuna sorangan atawa Ranggeyanana sorangan, ari kakaruhun batur diaku di dama-dama masing kalah kumaha oge moal kapanggih aranjeun kakara ngalaksanakeun Iman mardud can nyatakeun kabeneran Rosululloh SAW, ari nurutan tingkah paripolahna henteu, sok arandika ari hayang di aku turunan kaula gera ngaraku ku jalan babakti jeung papada kaula. Kaula geus teu butuh nanaon, ngan kaula hayang di aku. Ari carana henteu hese.

Carana :

Dina mangsa bulan aleum koneng, peuting anu sepi jempling, hawar-hawar sora jangkrik jeung sora simeut anu di sarada pika lucueun mapesan sepi jemplingna peuting anu pinuh ku cahaya anu di barengan ku ratusan juta para cahaya, ari angin ngahudangkeun pepelakan anu ngajadikeun ciri wujud ayatna nu Maha Widi. Anu kudu di akraban ku manusa anu ngabogaan papakem, angin datang ti sababaraha penjuru arah, wetan kulon kidul jeung kaler sarta luhur jeung handap sakabehna nembus kana jajantung nu nusuk ka jero kalbu sumarambah ka jero bayah sarta ngancik dina ati sanubari, anu ngagurah kana tafakurna diri, nafakuran alam Sogir jeung alam Kabir anu aya di tatar sunda ieu, khususna nya umumna di saluruh muka bumi, anu pinuh ku papaes anu endah sarta mungguh jalma anu nafakuran.

Panggih keun babak salira. Wujudna asalna diri, supaya henteu samar manggih keun kalimah.

Pek panggihan dulur nu di kaler sanajan ka panggih ngan saukur gunung sarta lamping anu di papaesan ku nyurugna cai tuluy tanya, pasti jawabna panggihan wae dulur nu di wetan, tuluy indit deui ka belah wetan ngan saukur sang bayu anu ngahirupkeun sarta ngoyagkeun tangkal samoja nu nagatung di sisi paesan.

Sok gera tanya ku andika pasti jawabna tanyakeun wae ka dulur nu di kulon  pek teh tunggul sarta di hias ku lukut anu hejo ngemplok ari jawabna tuh dulur anjeun anu di belah kidul nungguan, sok gera panggihan ku anjeun pasti anjeun manggihan gunung anu lenang, jawabna pek ku anjeun gera tarulisan ku ayat turASMANA nu Maha Widi nyaeta pepelakan, anu geus di Dauhkeun kunu Maha Widi tah engke pasti papanggih jeung Jatina Diri! Sarta papanggih jeung Jatina kalimah Syahadat!! Tah engke dina hiji waktu papanggih jeung kaula anu di sebutJAJARAN RATU ADIL.

CIRI DIRI BABAD BADAN

Gera kanyahokeun ku anjeun diri sakujur
Carana nganyahokeun diri sakujur nyaeta:
Urang kudu nyaring dina peuting, peuting nu sepi jempling ngan saukur sora jangkrik jeung sora simeut areuy cangkas anu ka kuping mapaes sepina peuting. Lain keueung ku kasieun, tapi hate nyawang nu rek kasorang jeung nyawang nu geus kasorang, karuhun anu berjuang ngarebut kamardekaan ngorbankeun jiwa jeung raga, pejuang anu baheula putih bersih, suci setra, sasmita bersih hate perlambang budi luhur merdeka geus kasorang, geus bebas ti penjajahan geus kalakon ku balarea, tapi merdeka tina belenggu can ka sorang jeung kalakon. Rek iraha, jeung kudu kumaha? Gemah ripah ngan saukur papaes, subur makmur ngan saukur catur. Lain teu subur lain teu makmur tapi lain subur jeung makmur lemahna atawa taneuhna, tapi suburkeun jeung makmurkeun jiwana, anu bisa ngawalatrakeun harta ka kaum jalata rakyat leutik ngajerit nu pinter kabalenger ulama teu bisa molahna lain sieun lain ringrang, tapi elmuna teu di tarima, sabab iman jalma geus limpas ku jaman, lain jaman anu eta tapi jaman anu ieu, lain jamanna tapi nu ngajamananana, lain pamingpin nu teu bijaksana tapi sawarehna aya anu sok nyieun codeka.
Tapi jaman geus ganti lalakon, bakal datang RATU ADIL datangna henteu kaciri janji aya dina hareupeun. RATU ADIL anu mana? Lain RATU anu itu tapi anu ieu. Nyaeta RATU ADIL anu ngancik dina diri sumerep di jero kalbu, sumarambah dina bayah, cicing anjleg dina kalbu. Naon atuh anu sabenerna RATU ADIL teh?
Ber ka kaler ber ka kidul, ber ka kaler ber ka wetan ber ka kulon, teu ka panggih jatina diri.
Ka saha atuh kuring nanyakeun! Jati Sahadat nanyakeun ka belah kidul tinggal tunggul, nu di kaler tinggal paesan, nu di kulon tinggal urutna, nu di wetan tinggal hanjuang.
Ngerab-ngerab katebak ku angin, suci setra sasmita bersih hate, perlambang budi luhung jadi ciri lambang pertiwi, nyaeta Merah jeung Putih.
Lain putih anu ieu lain beureum anu eta, tapi putih anu ngancik di jati masjid. Naon ari jatina masjid, sumarambah kana bayah nyulusup ka jero ati, nyatana ngan saukur murang kalih sakembaran, Pangeran Kilayt Kencana, asuheun sakabeh jalma. Pek gera teangan jatina kalimah sahadat nu kapanggih ngan saukur angin nu nembus kena salira, nyaeta raga badag, mana atuh jatina diri! Naon atuh anu kudu di asuh! Jeung kunaon jeung ku saha ngasuhna!
Bismillahirohmanirohim
Alhamdulillahirobbil alamiin washolatu wasalamu a'la sayyidinaa muhammadin wa'alaa alihii washobihi ajmaiin

Mimiti jisim kuring nulis ieu Kitab, ngalap barokah tina jenengan Alloh Ta'ala nu Maha Murah tur Maha Asih ti dunya dugi ka akherat, ka umat mu'min, ari rohmat Alloh Ta'ala kasalametan ka panutan urang Nabi Muhammad SAW oge ka para sahabatna.

MA'RIFAT KA ALLOH TA'ALA 

"Ari ma'rifat ka Alloh Ta'ala teh wajib ka sakabeh jalma anu mimiti baleg, eta wajib teu meunang henteu ".
Sabab aya Dawuhan kanjeng Nabi Muhammad SAW
Awallud diini ma'rifatulloh 
"Urang nyekel Agama teh kudu nyaho heula elmuna, supaya enggoning manusa ngalakona ibadah sah di tarima, sabab tadi oge amal teh kudu jeung elmuna, umpama teu kalawan elmuna batal tegesna"
Awallu wajibin a'laal insani huwa ma'rifatun illahi bitiqonii
"Mimitina wajib ka sakabeh manusa kudu nganyahokeun heula kana hal anu di ibadahan kalawan katerangan anu pertela"
Samangsa-mangsa teu nyaho, tangtu moal aya mangfaatna pikeun di akherat ngan ukur di dunya hungkul. Tapi dina soal elmu mangka kade kaliru, ari elmu eta kanyaho, lainkudu nyaho kana syarat syahna bae, tapi kudu nyaho kan sifat kagungan alloh jeung sifat rosulullohna. Sabab eta lir ibarat tempat atawa gudang keur piwadaheun amal ibadah urang sararea supaya ulah teu puguh sokna, ibarat lamun di dunya mah amal ibadah teh keur ngumpulkeun papaes imah saperti meja, korsi, lomari jeung sajabana.
Tah ma'rifat ka alloh teh ibarat ngabogaan imah anu pageuh anu gede, supaya barang-barang anu beunang hese cape teh tumaninah puguh tempatna, supaya betah di cicinganana, karan sanajan boga barang loba sarta aralus tur marahal hargana upama teu boga imah mah atawa tempatna rek di man barang di teudeuna, naha rek sina pabalatak di buruan, di pipir atuh di cicingana oge piraku rek ngeunah, meureun kapanasan kahujanan keur mah teungeunah di cicingan katambah barangna oge tangtu babari ruksak, pasti moal tulus jadi kanikmatanana. Komo deui urang boga tekad amal ibadah teh keur bawaeun ka akherat , atuh wajib ma'rifatna ka alloh ta'ala teh, sabab ma'rifatna kira-kira bisa datang engke kana asal tadi.
Kapan dina sakaratul maut oge enggeus moal aya tanyaeun deui jeung geus moal ngarasakeun kanyeri, sabab tadi oge umpama urng lolong teugesna teu nyaho ka alloh ta'ala jeung ka rosulullohna keur aya didunya, engke oge di akhirat tetep lolong bae. Samangsa-mangsa lolong tegesna poek diakhirat. Atuh bebenangan di dunya benang hese cape teh rek dibawa kamana. Kusabab teubisa tatang ka Alloh asal urng tadi. Palang siang babawaan teh bakal di bawa utrak-atrok, dibawa asup ka enggon jin, siluman.
Kusabab kitu urng meungpeung aya di dunya kudu ikhtiar ditiung samemeh hujan, kudu nganjang kapageto nyaeta kudu "paeh samemeh paeh" hartina lamun teu bisa paeh heula sajeroning hirup moal nyaho ka akherat teh, kapan dina dalil oge kieu :
Antal Maot Koblal maot
Jadi akherat teh kudu di kanyahokeun jeung kudu di anjangan ti ayeuna supaya engke ulah nyasab, paeh pulutat polotot, juba jebi, larak lirik neangan jalan.

JALAN MA'RIFAT KA ALLOH TA'ALA

Ma'rifat ka Alloh Ta'ala teh aya 2 jalan, nyaeta :
Aya Nu Ti Handap Ka Luhur
Nyaeta anu masantren heula, ngaji kitab Qur'an jeung terus ngalakonan ibadah anu 5 perkara. Tah kitu teh ibadah keur jalan Ma'rifat ka Alloh Ta'ala, tapi hanjakal lolobana mah tara di tepikeun kana Ma'rifatna lantarankaburu batal, kaburu genah dina Asmana, tegesna geus ngarasa nikmat dina panunjukna (papan merk) padahal lamun di teruskeun Ma'rifat ka Dzat Sifatna Alloh Ta'ala piraku teu mendak kani'matana, gening kakarek dina Asmana oge geus sakitu ni'matna.
Aya Nu Ti Luhur Ka Handap
Nyaeta anu nyumpona dalil "Awallud diini ma'rifatullah ta'ala" Jalana lain tina masantren wungkul tapi jeung ngisat diri, nyaeta daek tirakat kalawan ikhtiar neangan pigurueun nyaeta guru anu MURSYID, sabab moal weruh tanpa guru. Ku sabab eta anu mana anu kudu di dudul ku urang, teu aya deui lian ti tarekat anu kudu di susul , sabab eta anu bakal tepi, Ma'rifat kana sifat Alloh Ta'ala anu di sebut Johar Awal nyaeta Hakekatna Muhammad,da piraku teu aya lelebaranana pikeu urang sararea, sabab tadi oge para wali pan sakitu pohara tatapana pikeun ngabela umat Rosululloh supaya bisa balik deui ka Alloh Ta'ala.
Ku sabab kitu hayu urang pada tareangan eta Hakekat Muhammad, sabab munteu buru-buru kapanggih tangtu urang moal bisa baralik deui ka sal tadi, bisi nyawa urang marakayangan, titis tumitis kana barang anu keuna ku ruksak hartina nyawa balik deui ka dunya teu nyumponan dalil :
Inna lillahi wainna ilaihi rojiun
"Asal ti Alloh balik deui ka Alloh"
Ku sabab kitu tangtu salarea oge pada bingung, tadi mimiti ti Alloh Ta'ala turuna kudu ka alam dunya, kudu balik deui ka Alloh Ta'ala. Ku sabab aya dalilna gancang ngaku bae, ngakuna teh samet biwir, kapaksa da sieun di sebut kafir atawa kufur. Ku ayeuna loba jalma percaya kana dalil tapi hatena tetep poek keukeuh teu kaharti, ku sabab kitu pribados seja nerangkeun sakedik malah mandar taisa percaya, jeung karasa urang asal ti Ajali.
Kieu Kateranganana
Urang mapay ti handap ka luhur supaya kaharti
Mimiti urang                                                  asal ti indung-bapa
Indung-bapa                                                  asal ti nini-aki
Nini-aki                                                         asal ti buyut
Buyut                                                            asal ti bao
Bao                                                               asal ti janggawareng
Janggawareng                                                asal ti udeg-udeg
Udeg-udeg                                                    asal ti kakait siwur
Jadi kaharti keur saterusna nepi ka babu Hawa-Adam
Babu hawa                                                    asal tina iga burung Nabi Adam
Nabi Adam                                                   asal tina Aci Bumi, Aci Angin, Aci Cai, Aci Seuneu
Acina Bumi, Angin, Cai, Seuneu                     asal ti Nur Muhammad
Nur Muhammad                                            asal tina Johar Awal

Nur Muhammad teh cahaya 4 perkara, nyaeta :
Cahaya Beureum                                            Hakekatna Seuneu
Cahaya Koneng                                              Hakekatna Angin
Cahaya Bodas                                                Hakekatna Cai
Cahaya Hideung                                             Hakekatna Bumi

Nur Muhammad ceuk Hadist asal tinu Maha Suci di sebut Johar Awal, Tah samet Johar Awal mah euweuh deui kaluhurna. Hartina "Buntu ku hadist jeung Qur'an di terangkeun Johar Awal teh bibit 7 lapis bumi, bibit 7 lapis langit sarawuh eusina kabeh.
Jadi anu kitu teh ceuk Dalil "Asal ti Alloh nyaeta ti Johar Awal, sifatna Caang Padang nyaeta Gulungan Dzat jeung Sifatna nu Maha Suci kakara ngajadi Asmana Alloh."

PENJELASAN ASMA ALLOH

Cahaya Beureum (seuneu)           Hakekatna             Lapad Alif
Cahaya Koneng (angin)               Hakekatna             Lapad Lam awal
Cahaya Bodas (cai)                     Hakekatna             Lapad Lam akhir
Cahaya Hideung (bumi)               Hakekatna             Lapad He
Cahaya Johar awal                      Hakekatna             Lapad Tasjid

Tah kitu katerangan teh, jadi cahaya anu kasebut teh "ASMANA DZAT LAESA KAMISHLIHI" atawa ASMA NU MAHA SUCI, ku Hadist jeung ahli padikiran mah di sebut LATIFAH. Tah engke teh kudu bisa balik deui ka dinya ka JOHAR AWAL.
Nu matak wajib di kanyanhokeun ayeuna, gera sarusul tarekatna anu bakal micen hijab atawa pipinding jadi moekan kana DZAT SIFATNA ALLOH TA'ALA, sing kapanggih HAKEKATNA TASJID MUHAMMAD tea anu aya dina diri urang/ wujud urang pribadi, tah eta konci MUHAMMAD anu aya dina wujud urang sorangan anu bakal ngubrak ngabrik Hijabna Alloh Ta'ala.
Umpama kapanggih Insya Alloh tangtu bisa ceuk babasaan MULIH KA JATI MULANG KA ASAL, ari anu mulih ka jati mulang ka asal nyaeta jasmanina ngajadi asal deui nyaeta Rasana Jasmani anu keur di pake balik deui kana Rasa asal nyaeta Jasmani ngajadi asalna deui, nyaeta ngajadi Nur Muhammad tea, cahaya anu 4 Rupa deui nyaeta Beuruem, Koneng, Bodas, Hideung, samangsa-mangsa balik deui ka asal nyaeta sampurna tea hartina beak Rasa beak Nyawana.

MIMITI LAMUN REK NEANG PANGERAN

Kanjeng Nabi Muhammad ngadawuhkeun kieu :

Mantalbal Maolana Bilghoeri Nafsi Paqod Dolan Bi'da
"Sing saha Manusa anu neangan Pangeran kaluar tina dirina sorangan mangka satemena eta si jalma pasti kasasar, karna dina dirina ngarasa jauh jeung Alloh Ta'ala"
Dina Dalil di jelaskeun kieu :
Wanahnu Akrobu Ilaihi Min Hablil Warid
"Kami geus teua aya antarana jeung maraneh sakabeh. Lamun di ibaratkeun kana urat beuheung jeung beuheung anjeun pribadi masih keneh aya antara keneh tapi Kami jeung maneh ku geus euweuh antarana."
Di terangkeun ku Hadist kieu :
Walakod Akroma Bani Adam
"Kami geus ngamuliakeun ka anak putu Nabi Adam ti batan ka makhluk anu sejenna."
Nu matak mungeus nyaho kana dirina sorangan geus tangku engke bisa ngarasakeun kaahengan anu aya dina badan urang sorangan.
Di dawuhkeun ku Kanjeng Nabi Muhammad kieu :
Man Arofa Nafsahu Paqod Arofa Robahu 
"Sing saha jalma anu geus nyaho ka dirina sorangan geus tangtu nyaho ka Pangeranana"

Kumaha kajadianana sanggeus nyaho ka pangerana?

Di dawuhkeun ku kanjeng Nabi Muhammad kieu :
Man Arofa Nafsahu Paqod Arofa Jahiyan
"Sing saha manusa anu geus nyaho ka Pangerana tangtu dirina ngarasa bodo" 
Lain bodo teu bisa maca atawa ngitung tapi eta si jalma sumerah pasrah ka Gustina jeung tara sirik pidik, tara ujub, ria, takabur jeung sajabana.
Anu matak ngaji teh ulah ngaji kitab anu keuna ku ruksak tapi kudu ngaji kitab anu langgeng anu aya dina diri urang sorangan.
Iqro Kitabaka Kafa Binafsika Alyaomal Ilaihi Hasiba
"Maneh kudu ngaji kitab anu langgeng, nyaeta kitab langgeng nu aya dina diri sorangan / dina diri maneh."
Gera teangan Qudrot Irodat Alloh Ta'ala dina diri sorangan, kapan dina Hadist oge kieu :
Leuwih nyata          Karasa                                     Pangeran teh dina diri urang
Luewih nyata          Elmuna                                     Pangeran teh dina diri urang
Leuwih nyata          Hirupna                                    Pangeran teh dina diri urang
Leuwih nyata          Tinggalna                                  Pangeran teh dina diri urang
Leuwih nyata          Danguna                                   Pangeran teh dina diri urang
Leuwih nyata          Pangandikana                           Pangeran teh dina diri urang
Leuwih nyata          Kakawasaana                           Pangeran teh dina diri urang
Di tangtukeun ku Dalil Qur'an kieu :
Wahuwa Ma'akum Ainama Kuntum 
"Alloh Ta'ala teh salila ngabarengan ka sakabeh maraneh dimana bae  maraneh aya, kami aya di dinya jeung dimana bae maneh inget ka kami, kami aya di dinya / di maneh."
Ulah salah harti sategesna, ngaran di barengan ku Alloh Ta'ala lain pa gandeng-gandeng sacara jalma, tapi di barengan teh ku Qudrat-Irodatna jeung Elmuna,kapan geus di terangkeun sidik pisan dina sifat 20 oge geus di rangkep-rangkep saperti :
Hayat jeung Hayun                 :   Hirup jeung Nu Hirup
Sama jeung Samiun                :   Dangu jeung Nu Ngadangu
Basar jeung Basirun                :   Ninggali jeung Nu Ninggali
Kalam jeung Mutakalimun       :  Ngucap jeung Nu Ngucap

Illa Haka Ilal Haqi Illa Haki Bila Haqo
" Hak Alloh Hakna Muhammad, Hak Muhammad Hakna Alloh"
Tah kitu pangna agama Islam di sebut Luhung teh lantaran pang parik-parik ka Alloh Ta'ala
Moal aya Alloh lamun teu aya Muhammad      = Moal aya Dzat mun teu aya Sifat
Moal aya Muhammad lamun teu aya Alloh      = Moal aya Sifat mun teu aya Dzat
Anu matak kanjeng Nabi Muhammad pang unggul-unggulna Rosul jeung di sebutBAWANING SAKABEH.
Jadi Agama Islam pang disebut luhur teh kusabab aya Ma'rifat ka Alloh Ta'ala,kapan bukti Kanjeng Nabi tiasa Mi'raj. Barang kadieunakeun Gusti Syarif Hidayatullah Wali kutub Cirebon Mi'rajna tepang sareng Hakekatna Kanjeng Nabi Muhammad nyaeta anu di sebut JOHAR AWAL tea, tegesna sifat nu  Maha Suci, saur para wali mah SAJATINING HIRUP atawa SAJATINING SYAHADAT,nyaeta gulungan Dzat jeung Sifat nu  Maha Suci.
Samangsa-mangsa tepang sareng Hakekatna NURULLOH kakra bisa di aku Umatna, jeung samangsa-mangsa geus di aku Umat Rosululloh, boh kana Majajina atawa kana Hakekatna tetep teu acan sah urang ngaku Umatna Rosululloh.
Kakara dina Rukun Syahadat oge geus di terangkeun nyaeta:
1. Kudu netepkeun heula        Dzatna         Alloh ta'ala
2. Kudu netepkeun heula        Sifatna         Alloh ta'ala
3. Kudu netepkeun heula        Asmana       Alloh ta'ala
4. Kudu netepkeun heula        Sidiq            ka Rosululloh

Tah kitu geuning maca Syahadat teh kudu Sidiq heula ka Rosululloh, umpama acan nyaho atawa Ma'rifat kana Sifat-Sifatna, sabab bisa netepkeun teh kudu puguh heula rupana atawa barang-barangna anu di tetepkeun.
Geuning dina maca kalimah Syahadat teh lain pada nyebut bae, karena ari asal nyebut mah budak leutik oge pada bisa, nu matak wajib kudu nyaho sabab lamun teu jeung nyahona moal jadi kani'matan kaurang, kitu oge sanajan teu maca bari lalajo, datang katempatna eta bioskop.

Naha utama mana anu maca bari teu lalajo, umpama mun bari jeung teu maca, kitu dei dina Bab Agama anu ngaos jeung anu ngadangukeun kana Kitab ulah teu percaya kana ieu Jaman ulah gancang-gancang ngalain-lain kana ieu Jaman teh. Karna ieu Jaman geus akhir Fikiran, jalma oge geus teu pati harayangeun di bobodo, jalma ayeunamah dina sagala rupa hayng Yakin, inget kana babasaan kolot " Batu turun kesik naek teu kahalangan mungguhing kaweunangan pangeran mah si kolot jadi bodo-si budak jadi pinter "Jeung kudu inget mungguhing Elmu Rosululloh aya 4 perkara:
1. Elmu Syahadat
2. Elmu Torekat
3. Elmu Hakekat
4. Elmu Ma'rifat

Di jaman ayeuna mah Elmu Ma'rifat di udag-udag
Wa'bud Robbuka Hatal Yakan Yakin" Nyembah ka Alloh teh kudu Sidiq supaya Yakin, sah Syahadatna, sah Sifatna, sah Amalna, sah Asmana "
Enggoning aya di dunya sing ngarasa teu pisah na jeung Allohna jeung Rosulullohna.
Samangsa-mangsa teu ngarasa pisah jeung Alloh jeung Rosululloh beurang jeung pating, sugan piraku urng goreng tekad, goreng laku lampah seperti: syirik pidik, jail kaniaya ka sasama makhluk, tangtu ngarasa isina lantaran ngarasa kacida isina, margina asa di poncongok beurang jeung peting ku pangeran.

Sagala hal moal aya anu bisa di sumput-salindungkeun deui jeung sagala hal kalakuan naon bae moal ujub ria takabur, kakara Diri teh aya kakawasaanana, Apes, Hina, Doif, aya soteh rizki pangeran sihoreng pitulung nu Maha suci nyaeta Kudrot-Irodat nu Maha suci.
Jadi ayeuna bisa oge di tetepkeun, samangsa-mangsa jalma masih keneh make kalakuan syirik pidik, jail kaniaya ka sasama makhluk Alloh ta'ala. Bab dina Ma'rifat boh di lebe, boh di santri, boh di kiayi, ciri-ciri eta jalma acan dekeut ka Rosululloh sumawona jeung Alloh ta'ala, tangtu laku jeung tekad cicing dina ujub ria takabur, sok ngaku bisa ngaji aing teu dengeun, jadi nu kitu teh ngaku bisa, ngaku kodrat-irodat pangeran, ngarebut atawa mapande kakawasaan Alloh ta'ala, kapan teu gampang ngaku Islam tadah-tuduh kabatur si itu si eta kafir karena Islam, kafir anging Gusti nu uninga jeung baris netepkeunana kitu kateranganana. Ari sategeus na Islam teh suci bersih tina sagala kokotor naon anu ngajadikeun teh lain anging nafsu, komo dei nu make syirik pidik ujub ria takabur mah, sanajan nafsu kana dunya oge geus kotor bae.
Kieu kateranganana: sategeus na ari Islam teh teu 2 teu 3, estu ngan hiji-hijina, malahan kabur nu hiji teh Ghoib sategeusna.
Sifat Islam anu teu katitipan kahayang, kitu dei asma na oge teu 2 teu 3 ngan hiji-

hijina nyaeta kanjeng Nabi Rosululloh jeung ngalakonan parentah Alloh ta'ala ngaku ngaku hungkul sumawona nyaho ka Rosululloh jeung ka Baetulloh jeung Kudrat-iridatna Alloh ta'ala anu aya di urng sorangan. 
Gening aya Dalilna kieu :
Kulu Umatin Warosullihi
" Dina sakabeh manusa pada katitipan Rosululloh hartina Rasa Alloh "

kusabab kitu panasaran wajib nganyahokeun kana Hakekatna Rosululloh anu aya dina Diri sorangan, peperiheun jarah ka Mekah henteu, ka Madinah henteu, kapan Haji oge aya 2 rupa.
1. Haji Majaji : " Anu bisa jarah ka Mekah jeung ka Madinah "
2. Haji Hakiki : " Anu geus nganyahokeun dina diri sorangan, karena Rosululloh teh teu acan pupus, umpama pupus mah Alam dunya oge maol aya, kapan kangjeung gusti Syarifhidayatulloh oge tiasa tepang ku jalan Torekat ". 

 Jadi sanajan urng oge kudu nyaho kana Hakekatna Rosululloh anu kasebut Johar Awal tea, sing kapanggih Torekatna lelebarana ti para Wali.